ESHTE KUSHERIRA E PASUR E EUROPES. Në vitin 2014, Norvegjia u klasifikua në vendin e parë të Indeksit të Begatisë për pasurinë dhe mirëqenien e banorëve të vet (pak më shumë se 5 milionë). Eshtë shteti i tretë për nga GDP për frymë, pas Katarit dhe Luksemburgut. The Economist e quan “kushërira e pasur” dhe në një artikull ka shpjeguar se pasuria e saj është një fakt relativisht i vonë dhe buron prej naftës (prodhon 2.8% të naftës botërore).
KA NJE PINGUIN SI KALORES TE MBRETIT. Një prej norvegjezëve më të famshëm të botës mund ta takoni në kopshtin zoologjik të Edinburgut: është pinguini Nils Olav, i cili në vitin 2008 u emërua kalorës nga Mbreti, dhe sot mund të ketë titullin Sir. Por Norvegjia ka edhe rekorde të tjerë të pëlqyeshëm.
ME QE RA FJALA, ESHTE MONARKI. Haraldi V i Norvegjisë mbretëron mbi këtë vend që nga viti 1991. Babai i tij Olav V ishte i famshëm për faktin që udhëtonte me mjetet publike dhe paguante biletën nga xhepi i tij.
KA BURGJET ME TE MIRE NE BOTE. Në Norvegji, të gjithë të burgosurit kanë qasje në internet, edhe në qelitë e tyre. Ministria e Drejtësisë mendon që kjo i ndihmon në edukimin e tyre, dhe i lejon të ndihen ende në kontakt me botën. Norvegjia është vendi i 20 në botë me normën më të ulët të kriminalitetit.
KA PROGRAMET TELEVIZIVE ME TE MERZITSHEM NE BOTE. Në Norvegji vlerësohet shumë televizioni i ngadaltë. Televizioni shtetëror NRK ka lajmëruar se shumë shpejt do të transmetojë një shfaqje prej tetë orësh për realizimin e trikove me thurje (në kohë reale). Programe të tjerë të avashtë janë transmetuar vitet e kaluar, si për shembull transmetimi direkt i një udhëtimi dhjetë orësh nga Oslo në Bergen dhe 18 orë të kushtuara depozitimit të vezëve të salmonit.
I KA DHENE ORIGJINEN FJALES SKI. Fjala ski është norvegjeze: buron nga termi “skid”, që në gjuhën e lashtë norvegjeze donte të thoshte “mbuluar me lëkurë”. Lëkura e fokës apo e drerit përdorej për të mos lejuar rrëshkitjen e gjatë ngjitjeve.
ZOTERON ISHULLIN ME PAK KOMOD NE BOTE. I njohur si “vendi më i vetmuar mbi tokë”, ishulli Bouvet është i pabanuar dhe i akullt, në gjysmën e rrugës mes Afrikës dhe Antarktidës. Ndonëse shumëkush ka pretenduar pronësinë, sot i përket Norvegjisë, nga e cila ndodhet 12721 km larg.
ESHTE NDER VENDET ME TE DITUR TE BOTES. Sipas librit të fakteve të CIA-s, Norvegjia ka indeksin e alfabetizimit më të lartë në botë. Qeveria stimulon botimin e librave, duke blerë që në fillim 1000 kopje për t’ua shpërndarë falas bibliotekave në të gjithë vendin. Dhe universitetet publike janë tërësisht falas, edhe për të huajt.
LUFTON PER TE SHPETUAR AMAZONIAN. Në vitin 2008, Norvegjia dhuroi një miliard dollarë për shpëtimin e pyjeve amazoniane. “Për të fituar betejën kundër ngrohjes globale, duhet të fitojmë luftën kundër shpyllëzimit global’, shpjegoi atëherë kryeministri Jens Stoltenberg.
KA NDERTUAR TUNELIN ME TE GJATE NE BOTE. Në vitin 2000, Norvegjia ndërtoi tunelin e Laerdalit, qëme 24.5 km e tij është më i gjati në botë. Gjendet në rrugën Oslo-Bergen dhe gjurma e tij kalon nëpër një seri kthesash të lehta, që parandalojnë lodhjen e automobilistëve dhe kontribuojnë për rritjen e sigurisë rrugore. /Bota.al
