Covid19

Dhimbja e krahut pas administrimit të vaksinave antiCOVID: Pse ndodh dhe çfarë duhet të bëni?

Dhimbja e krahut pas vaksinës është një nga efektet anësore më të zakonshme, por mos u shqetësoni. Pas kryerjes së vaksinës kundër Covid-it, mund të shfaqet një dhimbje e ngjashme me një ngërç pas stërvitjes, pikërisht në krahun e inokulimit të vaksinës, në pikën ku është bërë injeksioni, që në shumicën e rasteve zhduket spontanisht pas 2-3 ditësh.

Pse manifestohet

Nëse krahu ose shpatulla dhembin pas marrjes së një vaksine, qofshin këto vaksina antiCOVID apo vaksinë gripi, ky është rezultat i vetë injektimit dhe fillimit të përgjigjes imunitare, e cila krijon inflamacion të lokalizuar. Në vendin e injeksionit krijohet një lezion i vogël sipërfaqësor, i cili shërohet shpejt brenda 2-3 ditëve.

Vazhdimi

Substanca që përmban vaksina, fillon të hyjë në qarkullim dhe kjo mund të shkaktojë, edhe pse jo në të gjitha rastet, dhimbje në lëvizjen e muskujve të krahut, sepse vendi i injektimit përfaqëson gjithashtu pikën fillestare të përgjigjes imune, pra pikën në të cilën trupi bie në kontakt për herë të parë me përmbajtjen e vaksinës, në veçanti me përmbajtjes aminoacidike të proteinës Coronavirus Spike, e cila shërben për ta “mësuar” trupin të luftojë virusin e vërtetë, në rastin më të keq të infektimit.

Çfarë duhet të bëni për dhimbjen e krahut pas vaksinimit

Nëse pas vaksinës shfaqet dhimbja e krahut, lëvizeni krahun dhe vazhdoni ta përdorni, edhe nëse ju dhemb. Mos bëni gabim ta lini krahun të palëvizur, sepse është i dobishëm për të stimuluar qarkullimin e gjakut. Nëse dhimbja ndihet shumë, aplikimi i akullit mund të jetë një ide e mirë, siç bëni për shembull kur ndjeni dhimbje të shkaktuar nga ushtrimet fizike intensive.

CDC, organizata kryesore amerikane që merret me studimin dhe parandalimin e sëmundjeve, rekomandon aplikimin e një rrobe të pastër, të ftohtë dhe të lagur në zonën e prekur dhe të bëni disa ushtrime me krahun, sigurisht të moderuara. Nëse e ndjeni se dhimbja në krahun tuaj nuk largohet pas 3 ditësh, përkundrazi fillon të përkeqësohet, mund të kemi të bëjmë me një fenomen alergjik, ndaj duhet të kontaktoni mjekun tuaj të familjes.

Back to top button