Ekonomistët përpiqen të kuptojnë sisteme jashtëzakonisht komplekse jo-lineare të pajisjeve të ndërlidhura, të njohur ndryshe si njerëz. Ata përdorin matematika gjithnjë e më komplekse, me shpresën se ato do t’u sjellin suksesin e “shkencave të vështira”, por ky ka qenë gabimi i tyre më i madh
Robert Matthews
Maji është muaji im i preferuar i vitit, pasi është gjithmonë i ngrohtë dhe me diell. Natyrisht, kjo garanton që ky maj do të jetë i mbushur me gjepura. Por nëse ka një gjë më të keqe sesa një parashikim i gabuar, ky është parashikimi që dëshmohet i drejtë, por për arsye të gabuara. Dhe kjo çon drejt një besimi të gabuar.
Për të qenë të saktë, njerëzit kanë bërë parashikime të tilla për 2600 vjet me rradhë. Në maj të vitit 585 Para Krishtit, lidianët dhe medët po vrisnin njëri-tjetrin, ashtu siç kishin bërë për vite me rradhë. Papritmas, ndodhi diçka befasuese: një parashikim kozmik, doli i vërtetë. Filozofi grek Thales nga Mileti, kishte paralajmëruar publikisht se një eklips i Diellit do të errësonte qiejt, dhe kjo ndodhi pikërisht në 28 maj të atij viti…
