Shkrimtari i kronikave flet me entuziazëm dhe mirënjohje për fundin e serialit, ai aludon enigmatikisht edhe për përfundimin e librave dhe të ardhmen e tij
A mundet ai që krijoi një univers të tërë narrativ, që më pas u bë një seri televizive me vlerësim të lartë, të përjashtohet nga komentimi për përfundimin e serisë? Natyrisht jo, dhe ja tek është Xhorxh RR Martin, duke komentuar epilogun e Game of Thrones në blogun e tij: “Vështirë të besosh se kaq ishte, të thuash të vërtetën. Këto vite kanë kaluar sa hap e mbyll sytë”. Pastaj shton: “Nuk e kisha idenë se [një dekadë më parë] do të filloja një biznes që do të kishte ndryshuar jetën time”.
Shkurt, reagimi i shkrimtarit, i cili me librat e tij gjithashtu u bë një njeri i famshëm, është një entuziazëm absolut, por edhe mirënjohje pasi ai dëshiron të falënderojë të gjithë ata që janë të përfshirë në prodhim, duke filluar me aktorët dhe drejtuesit e serialit David Benioff dhe DB Veiss, edhe pse shumë të kritikuar nga fansat në javët e fundit.
Por Martin nuk i fshihet asaj që shumë njerëz presin prej tij: “Po shkruaj “Erërat e Dimrit” jam shumë vonë, e di, e di, por do ta përfundoj. Unë nuk do të them kur, sepse u përpoqa në të kaluarën dhe kam zhgënjyer… por do ta përfundoj dhe pastaj do të ketë një ëndërr të pranverës”.
Shumë njerëz pyesin nëse fundi i librave do të jetë i ndryshëm nga ai i serisë televizive: “Si do të përfundojë? Fundi i njëjtë si i shfaqjes? Një tjetër? Epo … po. Dhe jo. Dhe po. Dhe jo. Dhe po. Dhe jo. Dhe po”, thotë autori në një mënyrë enigmatike.
