Horizonti.al

Japonia parashikon të lëshojë satelitë për të kontrolluar mbeturinat hapësinore, në 2028

Sipas gazetës ekonomike Nikkei, Japonia planifikon të lëshojë satelitë që të monitorojnë mbeturinat hapsinore duke evitur përplasje me aparate të tjera në orbië që do të fillojnë të përdoren duke nisur që nga 2028. Bëhet fjalë për një nga sistemet e para të sigurisë për të kontrolluar mbetjet në hapsirë, objektiv i Ministrisë së Mbrojtjes japoneze që planifikon të vërë në zbatim masat e  para konkrete të kësaj iniciative në vitin 2023. Shtimi i mbeturinave hapsinore në orbitë supozon një rrezik për satelitët që gjenden vërdallë dhe që në raste përplasjesh do të mbeteshin të paoperueshëm duke ndërhyrë në komunikim dhe në përpilimin e të dhënave. Bëhet fjalë për të ndërtuar një sistem radari i aftë që të observojë hapsirën në lartësi që i kalojnë 5800 km dhe që do të vendosët në qytetin japonez të Yamaguchi-it. Mbetet për t’u vendosur se kur do të jetë operativ ky sistem dhe sa do të jetë numri i satelitëve që do të kenë këtë funksion. Një masë tjetër që ka ndërmarrë Japonia për të zgjidhur prezencën e mbetjeve në hapsirë është një sistem pioner pastrimi, në të cilin një sateliti që do t’i bashkangjitet një sistem adeziv (ngjitës) do të kapë mbetjet dhe më vonë do t’i shkatërrojë ato.

Leave a Reply

Back to top button