- Nëse diçka të duket e gabuar, mos e bëj. Nuk duhet të ndihesh asnjëherë i/e detyruar të bësh diçka që nuk të duket e drejtë, pasi kështu pendimi do të të rëndojë akoma më tepër në ndërgjegje.
- Thuaje atë që mendon. Nëse ka diçka që mungon në mënyrë të shprehur në shoqërinë tonë, ajo është mungesa e sinqeritetit, ndaj sille ti këtë ndryshim duke u treguar vetë i/e sinqertë në fillim.
- Mos u mundo t’i kënaqësh të tjerët. Askush nuk ka më tepër rëndësi se sa vetja jote, ndaj mos e lër veten tënde mënjanë për t’u bërë qejfin të tjerëve.
- Besojini instinkteve tuaja. Ndonjëherë mund t’ju duket e pabazë të besoni në instinktet tuaja, pasi mendoni se po ndërmerrni vendime të nxituara, por shpesh ato ju çojnë në rrugën e drejtë.
- Mos fol asnjëherë keq për veten tënde. Ajo që do të ndodhë, është se të tjerët do të mendojnë se çfarë keni thënë ju për veten dhe me kalimin e kohës mund të binden se ajo që keni thënë, është plotësisht e vërtetë dhe kjo gjë nuk është diçka e mirë.
- Mos hiq dorë nga ëndrrat e tua. Secili duhet të arrijë legjendën e tij vetjake në jetë dhe për ta arritur atë, duhet të ndjekë ëndrrat që ka dhe të lërë gjurmë të qëndrueshme në këtë tokë.
- Mos u ndje në siklet të thuash: “Jo”. Ka plot gjëra që nuk do të të pëlqejnë në situata të ndryshme, ndaj mësohu të thuash: “Jo” dhe t’i shmangësh gjithë situatat që nuk të ndihmojnë të vetëpërmirësohesh.
- Mos u ndje në siklet edhe të thuash: “Po”. Nëse diçka të pëlqen, por mund të ketë diçka tjetër madhore që të të shtyjë të mos pranosh, atëherë thuaje : “Po” dhe mos nguro.
- Ji i sjellshëm me veten. Vetëm vetja ka për të të qëndruar pranë përgjatë gjithë jetës tënde, ndaj nis dhe tregohu i sjellshëm dhe përkujdesës me veten tënde.
- Lërini situatat të rrjedhin siç janë shkruar. Nëse diçka nuk e kontrollon dot, absolutisht mos u shmang nga ajo gjë. Ndoshta do të të pëlqejë me kalimin e kohës.
- Qëndroji larg ambienteve me stres dhe negativitet. E dimë tashmë se stresi dhe negativiteti nuk na sjellin asnjë përfitim në organizëm. Bëhet mirë të mbahen sa më larg, duke shmangur kontaktin edhe në klasë.
- Dashuro. Dashuria është ndjenja universale që na mban të gjithëve, por që shumica prej nesh nuk e shprehin atë hapur për të afërmit, apo familjarët tanë. Atëherë bindeni vetes se vetëm një buzëqeshje, ndihmon në përmirësimin e ditës së dikujt tjetri në rrugë, apo kudo. / bota.al
2 minutes read