Jemi në prag të javës së gjashtë në La Liga dhe kaq ka mjaftuar që argjentinasi, Lionel Messi të marrë primatin kur është fjala për driblimet.
28-vjeçari ka realizuar plotë 38 driblime të suksesshme deri më tani, duke bërë kështu një diferencë të madhe nga Fabián Orellana i Celta Vigos me 16 të tilla.
Vendi i tretë është i rezervuar për një tjetër lojtarë katalunas. Është braziliani Neymar (15), kurse pas tij janë Vitolo i Sevillas me 14, dhe Rubén Rochina i Grandas me 12 driblime të suksesshme.
Edhe këtë sezon Messi vazhdon të jetë i pandalshëm, duke kaluar pothuajse të gjithë kundërshtarët që i dalin para.
Deri më tani argjentinasi ka shënuar tre gola dhe ka asistuar dy herë këtë sezon. /Telegrafi/
