Në Suedi pothuajse gjysma e të gjithë vdekjeve që janë të lidhura me Covid-19 ishin banorë të azileve, sipas shifrave të dhëna për BBC nga agjensia publike shëndetësore suedeze.
Shifrat e publikuara nga agjensia e të dhënave të financuara nga shteti Statistikat e Suedisë tregojnë se gjithsej 10.458 njerëz vdiqën në prill, duke e bërë atë muajin më vdekjeprurës të Suedisë që nga viti 1993, kur pati një shpërthim të gripit sezonal dhe 11,057 persona vdiqën.
Para kësaj, numri më i lartë i vdekjeve në një muaj ishte në vitin 1918, në kulmin e pandemisë së gripit spanjoll.
Në zhvillime të tjera, shërbimet ikonike të tramvajit blu dhe të bardhë të Goteborgut janë pezulluar këtë pasdite, pasi zyrtarët e sindikatës ngritën shqetësime në lidhje me shëndetin dhe sigurinë e shoferëve gjatë pandemisë. Kommunal, sindikata që përfaqëson punonjësit e tramvajit, ka thënë për mediat suedeze se jo të gjitha kabinat e shoferëve janë mbyllur nga udhëtarët dhe se shoferët janë duke u detyruar të punojnë në rrugë të ngjeshura.
