Pesëdhjetë vjet pasi u vodh në Turqi, një sarkofag i luftëtarit mitik Herakliut u kthye në shtëpi.
Thesari 2,200 vjeçar u vodh nga Turqia gjatë gërmimeve të paligjshme në fillim të viteve 1960 në qytetin e lashtë të Perga në rrethin Aksu, në provincën mesdhetare të Antalias.
Nekropoli brenda kufijve të qytetit të lashtë të Pergas ishte pronë private për shumë vite dhe u shpronësua vitin e kaluar. Para procesit të shpronësimit, pronarët e tokës dhe gjuetarët e thesareve kryen gërmime të paligjshme dhe kontrabanduan një nga sarkofagët. Pronari i tokës, i cili aktualisht është i burgosur në burgun Elmalı të Antalias, pranoi se xhaxhai i tij i shiti një sarkofag në vitin 2001. Gjatë gërmimeve të paligjshme, disa sarkofagë u dëmtuan ose u kontrabanduan.
Objekti është konfiskuar në vitin 2010 nga autoriteti doganor zviceran në portin e Gjenevës. Në shtator të vitit 2015, Zyra e Prokurorit Publik të Gjenevës njoftoi vendimin e saj për kthimin e varrit në Turqi.
Para se të riatdhesohej në Turqi, varri u shfaq në Universitetin e Gjenevës për disa muaj.
Objekti, i cili përshkruan 12 veprat legjendare të Herkulit, tani do të vendoset në mesin e sarkofagëve të tjerë historikë në Muzeun Antalia.
Me një lartësi prej përafërsisht 135 centimetra dhe gjerësi prej 112 centimetrash, varri prej 3.000 kilogramësh është quajtur “Torre Nove” në literaturën arkeologjike. / Bota.al
