Psikologji

Nëse ke gjetur një mike të sinqertë, do e kuptosh prej këtyre shenjave

Një mike e mirë është përgjithmonë, por si mund të kuptoni kur e gjeni atë të vërtetën, e cila kurrë nuk do t’ju braktisë? Vetëm i kushtoni vëmendje disa shenjave të pagabueshme, për të kuptuar nëse marrëdhënia juaj do të zgjasë përgjithmonë.

Kur jeni së bashku, koha kalon sa hap e mbyll sytë, ju mund të flisni për çdo gjë dhe të argëtoheni pa bërë asgjë të veçantë. Kur nuk jeni bashkë, megjithatë, është një shkëmbim i vazhdueshëm i mesazheve, ikonave të mesazheve dhe memeve … ju thjesht nuk mund të largoheni nga njëra-tjetra për asnjë moment.

Megjithatë, nuk është e thënë që dy mike të ngushta të jetojnë në të njëjtin qytet … por distanca gjeografike nuk është asgjë për ju. Çdo moment është i mirë për t’ju bërë një telefonatë ose për të shkruar mesazh dhe, nëse njëra ka nevojë, tjetra shkon menjëherë: pa marrë parasysh se sa larg mund të jetë fizikisht, asgjë nuk do ta pengojë të qëndrojë afër kur t’ju duhet. Ju do të anulloni çdo angazhim për të qëndruar me të në një kohë të vështirë, dhe ju e dini se ajo do të bëjë të njëjtën gjë për ju.

Një mike e vërtetë ju bën ndonjëherë të zemëroheni, por me të mund të jeni të qarta dhe të tregoni hapur atë që mendoni, pa pasur frikë se kjo do të rrezikonte marrëdhënien tuaj. Nëse në vend të kësaj është dikush tjetër që përpiqet ta kritikojë ose ta bëjë atë të ndihet keq, atëherë ju bëheni një hienë, ju jeni menjëherë agresive dhe e mbroni “me shpatë”.

Nëse me të mund të flisni për gjithçka (por me të vërtetë gjithçka!) pa patur turp, nëse ajo ju kupton si askush, ajo ju dëgjon dhe kur shfryheni me të, dhe menjëherë ndiheni më mirë, ju jeni me të vërtetë fat: keni gjetur një mike të veçantë. Dhe nëse ndodh me ju, kur jeni së bashku, të shpërtheni në të qeshura për arsye absurde, të cilat askush tjetër nuk i kupton, ju jeni vërtet mike për kokë. / bota.al

Leave a Reply

Back to top button