Përdorimi i shpeshtë dhe distanca e afërt e smartphoneve mund të jetë shkaku i një shtimi domethënës te rasteve të miopisë: e mbështet Doktori David Allamby, kirurg oftalmolog e themelues i Klinikës Fokus të Londrës. Nga viti1997 (vit në të cilin filluan të përhapen telefonat inteligjentë) deri sot, pacientet miopë janë shtuar me 35%; nëse nuk do të ndodhin permbysje domethënëse të tendencës, mjeku anglez ngre hipotezën që shqetësimet pamore të lidhura me “miopinë e ekranit” mund të rriten edhe me 50% në 10 vitet e ardhshme.
KRIJIMI I DISTANCËS
Midis kategorive më në rrezik janë “të lindurit në erën dixhitale”, fëmijë e adoleshentë që kalojnë shumë kohë përpara ekraneve e janë pak të vëmendshëm për të mbajtur një distancë të sigurt midis syve dhe aparatit. Për të parë më mirë ekranin e një smartphone (e të lexosh germat me dimensione të vogla) zakonisht mbahet në 18-30 cm nga fytyra, shumë pak në krahasim me distancën fiziologjike optimale, rreth 40 cm…
