A është e vërtetë që Hiçkok përjashtoi spektatorët nga filmat e tij?

Jo të gjithë, por vetëm ata që mbërrinin me vonesë në kinema. Në premierën e filmit “Psikopati” në vitin 1960, Alfred Hiçkok, firmosi një kontratë distribucioni shumë të veçantë:pronarët e kinemave duhej të ndalonin hyrjen e spektatorëve që mbërrinin pas fillimit të filmit, pasi do të prishnin efektin e suspansës dhe humbisnin skena të rëndësishme të filmit. Kur drejtori i një kinemaje i telefonoi producentit, duke iu ankuar se klientët e tij qenë të detyruar të prisnin në shi orarin e ri kur shfaqej filmi, regjizori i tha t’u blinte atyre çadra. /bota.al