Shtetet e Bashkuara të Amerikës janë nën kërcënimin e pandemisë së koronavirusit. Gjatë 24 orëve të fundit janë regjistruar më shumë se 2000 vdekje, duke u bërë kështu vendi i parë në botë që raporton një shifër kaq të lartë.
Shifrat e publikuara nga Universiteti Johns Hopkins tregojnë se 2,108 njerëz vdiqën në 24 orët e kaluara, raporton The Guardian.
Amerika së shpejti mund të tejkalojë bilancin e Italisë si vendi me vdekjet më të larta nga koronavirusi në të gjithë botën. Ndërkohë nga Shtëpia e Bardhë thuhet se pandemia nuk ka arritur ende kulmin.
