Barcelona është shumë pranë përmbylljes së firmosjes me sulmuesin e Borusias së Dortmundit dhe kombëtares së Francës, Ousmane Dembele.
Pas shumë javësh spekulime në lidhje me interesin e Barcelonës për 20-vjeçarin, një burim shumë pranë palëve i tha BBC-së se tashmë marrëveshja po shkon drejt mbylljes.
Edhe pse deri tani nuk është konfirmuar shuma e kësaj lëvizjeje, pritet që ajo të jetë e dyta më e kushtueshme në historinë e futbollit, teksa vendin e parë e mban shitja e brazilianit Neymar nga Barça tek PSG. /Bota.al
