Dr Rick Bright, i cili drejton zyrën amerikane të ngarkuar për zhvillimin e masave kundër sëmundjeve infektive, ka dëshmuar para ligjvënësve. Bright ka ngritur një ankesë për një “whistleblower” duke thënë se ai ishte hequr padrejtësisht nga Presidenti Trump sepse kishte kundërshtuar mbrojtjen e presidentit për një trajtim të koronavirusit të paprovuar.
“Amerikanët meritojnë të vërtetën,” tha ai. “E vërteta duhet të bazohet në shkencë. Le të flasim pa frikë nga ndëshkimi.” Ai tha se kishte “një dritare të kufizuar mundësish” për të planifikuar për gripin sezonal.
“Do të ketë një gjallërim të Covid-19 këtë vjeshtë që do të përzihet shumë me sfidat e gripit sezonal. “Ne ose do të kujtohemi për atë që bëmë në mënyrën e duhur, ose për atë që nuk arritëm të bënim për të adresuar siç duhet këtë krizë.”
