Mjekët në Pekin po zbulojnë se pacientët e rinj që po trajtohen për Covid-19 po përjetojnë simptoma “të çuditshme”, duke përfshirë shqetësime të nyjeve dhe stomakut.
Ata po zbulojnë gjithashtu se “moti i ndryshëm, zakonet e jetesës dhe llojet e trupit mund të rezultojnë në simptoma të ndryshme në rajone të ndryshme”, sipas gazetës kombëtare Global Times.
Kjo nuk është hera e parë që specialistët kinezë kanë parë që virusi “të ndryshojë”. Në mesin e majit, specialistët që trajtojnë virusin në veri-lindje vunë re simptoma të ndryshme në pacientë – lodhje ose dhimbje të fytit, në krahasim me një ethe ose një kollë të vazhdueshme.
Ekzistojnë shqetësime se një sërë rastesh në kryeqytetin kinez mund të çojnë në një valë të dytë të Covid-19 në shkallë vendi.
Deri më tani, 137 raste janë raportuar që nga 11 qershori. Mediat e Kinës thonë se rastet e konfirmuara rishtazi janë të buta dhe prekin kryesisht të rinjtë. Daily’s People ka dhënë një ndarje statistikore të 106 pacientëve të konfirmuar midis 11 dhe 15 qershor. Shumica janë të moshës 30-39 vjeç, dhe pacientët më të paktë janë regjistruar në kategorinë 60 e lart (pesë burra dhe gjashtë gra). Askush nuk ka rezultuar pozitiv nën moshën 20 vjeç.
