Trupi i ngrirë i një alpinisti që u zhduk katër vite më parë është gjetur në një bllok akulli.
49-vjeçari u zhduk në vitin 2014 ndërsa po ecte në Severo-Chui Range në malet Altai, që kufizohen me Rusinë, Kinën, Mongolinë dhe Kazakistanin.
Pavarësisht kërkimeve asnjëherë nuk u gjet ndonjë shenjë e kufomës.
Trupi i tij u gjet nga disa alpinistë javën e kaluar dhe ekipeve të shpëtimit iu deshën katër ditë për ta nxjerrë nga ‘varri’ prej akulli.
Familjarët e tij janë njoftuar për të konfirmuar identitetin dhe emri i alpinistit nuk do zbulohet derisa të jepet konfirmimi se është ai.
Alpinisti ishte nga qyteti i Belokurikha në Rusi.
Policia po kryen një hetim paraprak, duke kontrolluar të gjitha faktet dhe rikujtuar situatën në të cilën vdiq 49-vjeçari.
