Organi shkencor që këshillon qeverinë gjermane për koronavirusin thotë se nuk shqetësohet që shkalla e riprodhimit të virusit – shkalla e R – ka qenë mbi një për tre ditë radhazi.Mbi R1.0 do të thotë që, statistikisht, një person i infektuar po e kalon virusin tek më shumë se një person tjetër.
Por Lars Schaade nga Instituti Robert Koch (RKI) tha vetëm nëse vlera R do të rritej mbi 1.2 ose 1.3 për disa ditë do të shqetësohej.Të dhënat gjithashtu janë subjekt i vonesave.
Schaade tha se “ditët e veçanta nuk janë problem”.
Ai gjithashtu tha se sa më pak numri i përgjithshëm i infeksioneve, aq më i madh është ndikimi i një shpërthimi – si ato të raportuara kohët e fundit në një thertore – mbi vlerën R. “Nëse shifra e dytë dhjetore ishte mbi 1 nuk do të ishte akoma kritike. Por sa më e lartë shkon mbi 1, si 1.2 ose 1.3 dhe për një periudhë më të gjatë kohore, do të krijonte një situatë ku do t’i kushtonim vëmendje shumë të madhe dhe do të mendonim në lidhje me masat se si t`i kundërviheshim kësaj situate ”. RKI tha të martën se totali i vdekjeve në Gjermani nga Covid-19 kishte arritur në 7.533. Mesatarja ditore e vdekjeve në javën e kaluar ishte 100 deri në 200. Numrat e vdekjeve në disa vende të tjera evropiane – veçanërisht Italia, Mbretëria e Bashkuar dhe Spanja – janë shumë më të larta.
Gjykimi i nivelit të kërcënimit nga koronavirusi varet nga të kuptuarit e shkallës në të cilën po përhapet – ajo që njihet si ‘R’. Nëse kjo normë shkon mbi 1, shpërthimi mund të përshkallëzohet sepse kushdo i infektuar mund ta kalojë virusin te më shumë se një person tjetër. Por kjo nuk është e gjithë historia. Ajo që gjithashtu ka rëndësi është shkalla aktuale e infeksionit – numri i njerëzve që kapin virusin. Pra, në Gjermani, ndërsa R tani është pak mbi 1, dhe mund të shkojë më lart, autoritetet janë të shqetësuar por jo duke u panikosur. Kjo për shkak se vlerësohet se më pak se 1.000 gjermanë po infektohen çdo ditë.
Pra, edhe nëse shkalla e përhapjes përshpejtohet, problemi mund të trajtohet me mbikëqyrje të kujdesshme dhe testim masiv, sepse numrat e përfshirë janë të menaxhueshëm. Në të kundërt, mendohet se në Mbretërinë e Bashkuar rreth 20,000 njerëz po infektohen çdo ditë – shumë më pak se në kulmin e shpërthimit, por ende një numër serioz.
Dhe në atë shkallë të infeksionit, edhe një rritje e vogël e shkallës R mund të ketë një ndikim të rrezikshëm, duke mposhtur potencialisht shërbimin shëndetësor me një kulm të dytë të krizës.
