Nga Loretta Napoleoni,

“Il Fatto Quotidiano”

Në një lëvizje të paparë, ministrat e Financave të anëtarëve të Këshillit të Sigurimit të Kombeve të Bashkuara u takuan javën e shkuar në Nju Jork, për herë të parë në historinë e OKB-së. Tema e takimit:lufta kundër financimit të terrorizmit në përgjithësi, dhe për Shtetin Islamik në veçanti. Diskutimet u zhvulluan në sfondin e luftës në Siri, që po i afrohet vitit të saj të pestë. Një konflikt që sipas Kombeve të Bashkuara, ka prodhuar më shumë se 250.000 të vdekur dhe miliona refugjatë. Këshilli i Sigurimit i Kombeve të Bashkuara, miratoi njëzëri një rezolutë që mëton të ndërtojë një proces paqeje në Siri. Në fakt, nënshkruesit, angazhohen të nxisin bisedimet midis qeverisë siriane dhe opozitës në fillim të janarit 2016, bisedime që natyrisht do të zhvillohen në varësi të marrëveshjeve për armëpushim…