Ai ishte një tiran brutal, por ai mbetet një simbol i rëndësishëm i fuqisë për sunitët e zhgënjyer në të gjithë rajonin

Nga Mohamad Bazzi

Në orët e para të agimit të 30 dhjetorit 2006, Sadam Huseini po qëndronte me qetësi para stërkëmbëshit, teksa një nga tre xhelatët para tij me maska të zeza në fytyrë përgatitën lakun e litarin rreth qafës së tij. Huseini u afrua në drejtim të platformës që së shpejti do të hapej poshtë tij. Papritmas, dhoma shpërtheu në këngë dhe himne fetare shiite.

Rojet dhe aktivistët shiitë e shfrytëzuan atë moment, për t’u përballur me diktatorin që u kishte shkaktuar aq shumë vuajtje shiitëve të Irakut. Sapo laku u vendos rreth qafës së Huseinit, ata thirrën në kor:”O Zot bekoje Muhamedin dhe familjen e tij!”. Disa burra thërrisnin: “Moktad, Moktad, Moktad”, duke iu referuar klerikut shiit Mokdtad al-Sadr, i cili kishte udhëhequr një kryengritje kundër trupave amerikane në Irak.

“Moktad”- përsëriti Husein, duke qeshur, ndërsa shtoi me sarkazëm: “A është kjo burrëria juaj?”…