Nga Robin Lindley

Si ka mundësi që një miliarder narcistik që nxit zemërim dhe urrejtje, të shndërrohet në një kandidat kryesor për presidencën e një demokracie të madhe? Si mundet që sulmet e peshkaqenëve apo rezultatet e futbollit të ndikojnë tek mënyra se si voton një qytetar? Pse miliona votues besuan gjatë se ish presidenti Barak Obama ishte mysliman, dhe se ai kishte lindur në Kenia? Pse ne priremi të marrim vendime politike në bazë të emocioneve dhe jo arsyes? Historiani dhe gazetari i mirënjohur, Rik Shenkman, shqyrton shkencën dhe historinë për të shpjeguar se si funksionon truri ynë në përgjigje të politikanëve manipulues dhe mesazheve të tyre në librin e ri “Kafshët politike: Ja si truri ynë i Epokës së Gurit, e minon politikën e zgjuar”…