Autoritetet në Kinë kanë raportuar 57 raste të reja, duke shënuar rritjen më të lartë ditore të vendit që nga mesi i prillit.
Komisioni Kombëtar i Shëndetit tha që 38 raste ishin transmetuar në vend, me 36 prej tyre në Pekin.
Që prej ditës së djeshme, masat e bllokimit janë rivendosur në disa lokalitete të kryeqytetit pasi u zbuluan dhjetëra infeksione të reja. Shumë prej tyre kanë qenë të lidhur me një treg lokal, i cili është mbyllur. Njëmbëdhjetë komponime banimi aty pranë janë mbyllur gjithashtu dhe banorët lejohen të dalin vetëm për blerje thelbësore.
Më shumë se 84,000 raste janë raportuar në Kinë, sipas Universitetit Johns Hopkins, së bashku me 4,638 vdekje.
Vendi ka lehtësuar shumë nga masat e tij të përmbajtjes pasi Partia Komuniste në pushtet shpalli fitoren ndaj koronavirusit në mars. Por një rritje e kohëve të fundit në raste ka ngjallur frikë nga një valë e dytë e infeksionit.
