Një nga restorantet e vetme të vendit me tre yje të Michelin ka ndaluar klientët e tyre ti bëjnë fotografi pjatës së tyre.Kuzhinier francez Michel Roux, i cili themeloi The Waterside Inn në Bray, Berkshire, tha se ishte shumë i mërzitur me klientët që fotografonin ushqimin e tyre, dhe u ndje i detyruar të bënte një gjë për këtë.
Ky restorant u themelua nga vëllezërit francezë Michel dhe Albert Roux në vitin 1972 dhe fitoi yllin e parë në vitin 1974, menjëherë pas krijimit të udhëzuesit të Michelin.Djali i Michel-së, Alain, është tani chef në këtë restorant , pasi e mori përsipër nga babai i tij në vitin 2002. Por, pavarësisht largimit nga posti i kuzhinierit , Michel është ende shumë aktive në lokal dhe kohët e fundit shtoi një tabelë që i kërkoi klientëve mos të fotografonin pjatat e tyre .
Ai tha: “Po mërzitem kaq shumë nga njerëzit që bëjnë fotografi. Ne kemi vënë një kartë në derë – “Nuk ka fotografi, ju lutem.” Roux shtoi: ‘Çfarë po bëjnë ata? Ndoshta ata mund ta fotografojnë pjatën por jo shijen e ushqimit. Një foto në një telefon nuk mund të kapë shijet. ‘
Gjatë një kërkimi të shpejtë në Instagram zbulon se qindra klientë kanë ndarë imazhet e tyre nga The Waterside Inn në internet në muajt e fundit. Duke përdorur filtrin e shumëfishtë të ofruar në platformën e rrjeteve sociale, shumë klientë kanë ndarë imazhet e tyre para se të kenë shijuar pjatën .
Roux tha se kishte frikë se gjatë momentit që klientët merreshin me fotografin specialitetet e tyre të kuzhinës po ftoheshin dhe kjo gjë ndikonte tek vlerësimi që klientët i bënin shijes së ushqimit. / Bota.al
