Këshilltarët i quajnë “darka normale në Elysee”: në mesin e tyre, Emmanuel Macron dhe bashkëshortja Brigitte kanë darkuar të mërkurën e kaluar, pas homazheve kombëtare për Simone Veil, me Nicolas Sarkozy dhe bashkëshorten Carla.
Sipas raportimit nga gazeta Le Figaro, dy çiftet kanë darkuar privatisht, në një tryezë për katër. Darka “është pjesë e një serie takimesh që kreu i shtetit dëshiron të ketë me paraardhësit e tij”, të gjithë në një stil informal.
Burime të afërta me Sarkozy shtuan se të dy “bisedojnë shpesh” Nuk ka data të fiksuara, por në ditët e ardhshme edhe Francois Hollande duhet të pritet në një darkë private nga Presidenti. /Bota.al
