Shtypi izraelit e ka konsideruar si një personazh të dalë direkt e nga librat e John Le Carre dhe Ian Fleming. Një mjeshtër i spiunazhit me një reputacion për aktivizimin e agjentëve të fshehtë kudo në botë. Yossi Cohen, kipahu i parë në drejtimin e Mossadit. Superspiuni “i ardhur nga një planet tjetër” i ka sytë e mbërthyer pas Teheranit
Gjëja e parë që ka bërë Yossi Cohen sapo është emëruar si kreu i 12-të i Mossadit, shërbimit sekret izraelian, ka qenë falenderimi i njërit prej katër fëmijëve të tij: “Në sytë e mi, Yonatan është luftëtari i vërtetë”. Një histori familjare dramatike. Yonatan ka vuajtur nga një paralizë cerebrale gjatë lindjes së parakohshme dhe sot ecën me karrige me rrota. Megjithatë, kjo nuk e ka penguar që të shërbejë në një njësi inteligjence informatike të ushtrisë izraeliane. Babai i Yossi Cohen ishte një luftëtar i Irgun-it, milicisë së djathtë active përpara lindjes së Izraelit në 1948, fidanishte e një nacionalizmi që nuk kishte të bënte aspak me humanizmin tolstoian…
