Sport

Mediat zvicerane – lojtarëve shqiptarë: Largohuni, nëse s’ju pëlqen këtu!

Screen Shot 2016-05-04 at 07.09.44Që nga e diela gazetat SonntagsBlick dhe Blick po zhvillojnë një fushatë kundër futbollistëve shqiptarë lidhur me mundësinë e largimit të tyre pas pranimit të Kosovës nga UEFA dhe pastaj nga FIFA.

SonntagsBlick ka kujtuar disa citate të vjetra për të dhënë alarmin se Xhaka e Shaqiri me shokë “po ia mbathin për në Kosovë, menjëherë pasi ky shtet të pranohet në UEFA dhe në FIFA”. Sikur kjo mos mjaftonte, gazeta u hodh në sulm pothuaj huliganesk me një koment që për nga toni i shkon më mirë rrugaçëve se sa një debati të mençur publik. Thelbi i komentit është ky: “Largohuni, nëse s’ju pëlqen këtu”.

Xherdan Shaqiri para tre vite e gjysmë ka thënë: “Kur të ketë Kosova ekip kombëtar, unë do ta rishikoj situatën e re”. Edhe Granit Xhaka atëbotë kishte deklaruar: “Eventualisht do të duhej ta mendoja sërish këtë”.

Tani ata janë të rezervuar dhe nuk deklarohen për këtë temë. Vetëm Valon Behrami është shprehur qartë se në futboll njëherë ka vendosur të luajë për një vend dhe përgjithmonë do të luajë për kombëtaren e Zvicrës.

Në Kosovë, shkruan gazeta zvicerane, shpresat janë të mëdha se futbollistët si Shaqiri e Xhaka do të përcaktohen për Kosovën, transmeton lapsi.al.

Trajneri i kombëtares së Kosovës, Albert Bunjaku, ka paralajmëruar se do të bëhen përpjekje për të biseduar me të gjithë futbollistët. Si shembull ai ka përmendur Adnan Januzajn, yllin e Manchester United, i cili më 2014 mbrojti ngjyrat e Belgjikës në Kampionatin Botëror.

Show More

Leave a Reply

Your email address will not be published. Required fields are marked *

Back to top button
Close
Close