PSG nuk ka ndër mend që të ndalet, e pasi mori Neymar dhe Mbappe për shifra realisht të frikshme, ka hedhur sytë nga Philippe Coutinho. Media në Francë “Telefoot” në një kronikë televizive ka treguar se drejtori sportiv i PSG, Antero Henrique dhe agjenti i Coutinho, Kia Joorabchian janë takuar në Londër.
Po sipas kësaj medie, ata kanë hedhur bazat për një transferim të mundshëm të lojtarit në të ardhmen. Por, transferimi i brazilianit të Liverpool, që nuk mendohet të ndodhë para verës së ardhshme, nuk do të jetë aq i lehtë për francezët. 25-vjeçari është në krye të listës së Barcelonës për të mbushur boshllëkun e madh të krijuar nga largimi i Neymar.
