Nga Nikos Konstandaras

Athinë – Mund të jetë thjesht rastësi, por që prej një viti, kur një lëvizje radikale e majtë dhe një parti e ekstremit të djathtë bashkuan forcat për të qeverisur Greqinë, qëndrueshmëria e Bashkimit Evropian ka qenë nën një testim të vazhdueshëm. Por mund të jetë gjithashtu e vërtete, se forcat politike që hodhën shtat në Greqi, u krijuan edhe në shumë vende të tjera, duke helmuar marrëdhëniet ndërmjet shteteve anëtare.

Zamka që mban së bashku koalicionin paradoksal të Greqisë, dhe të cilin po e shohim në të gjithë Evropën, është populizmi. Jo disa ideologji koherente që vënë në plan të parë interesat e njerëzve, por një politikë e bazuar tek oportunizmi, kultivimi i ndjenjës së madhërishme të identitetit kombëtar, dhe pastaj paraqitja e këtij të fundit si të kërcënuar nga armiqtë vendas dhe të huaj…