Udhëheqësit europianë dolën nga bisedimet maratonë të javës së kaluar me David Cameronin, duke shpresuar se sapo kishin shmangur një divorc të rrëmujshëm.

Por tani ata mund të zbulojnë se qëndrimi të bashkuar mund të jetë po aq traumatik.

Shumica e vëmendjes, pas marrëveshjes, është përqëndruar nëse votuesit britanikë do të mbështesin planin e hartuar në samitin e Brukselit. Sado e rëndësishme që është marrëveshja për Mbretërinë e Bashkuar, impakti i saj mbi BE-në mund të jetë edhe më i madh. E thënë thjeshtë, marrëveshja praktikisht rishkruan rregullat e marrëdhënieve të vendeve anëtare me Brukselin. “Ajo vendos një precedent, që çdo gjë mund të rinegociohet”, thotë një zyrtar në Bruksel. Deri tani, vendet anëtare përgjithësisht kanë qenë të detyruar të pranojnë tërësinë e rregullave dhe rregulloreve të BE, pavarësisht disa përjashtimeve, si e drejta e Mbretërisë së Bashkuar për të mos adoptuar Euron.

Megjithatë, marrëveshja e BE me Londrën shkon shumë më tej, duke krijuar ekuivalentin politik të një martese të hapur…