Në rreth një duzinë shtete në jug dhe perëndim të SH.B.A.-së, rastet e Covid-19 kanë qenë në rritje pas fundjavës së festave të Ditës së Përkujtimit në fund të majit.
Arizona, Karolina e Veriut, Karolina e Jugut, Teksasi, Arkansas, Utah, Alaska, Kalifornia dhe Florida janë ndër shtetet që po shohin një ngërç.
Ndërsa numrat më të lartë janë pjesërisht për shkak të më shumë testimeve, rritja është shqetësuese në shtete si Arizona, Texas dhe Karolina e Veriut që kanë një normë pozitive shqetësuese dhe që kanë një numër më të lartë të personave të shtruar në spital.
Në Arizona, sistemi më i madh spitalor i shtetit ka paralajmëruar se së shpejti mund të arrijë kulmin e kujdesit intensiv dhe u bëri thirrje banorëve të praktikojnë distancën sociale për të parandaluar përhapjen në komunitet.
Guvernatori i shtetit ka thënë që rritja pritet për shkak të testimeve shtesë.
Në Karolinën e Veriut, më shumë se 800 njerëz ishin në spital nga Covid-19 të enjten, një rekord i ri i lartë. E enjtja ishte gjithashtu dita me rritjen e dytë më e lartë për ditë të rasteve të reja – më shumë se 1.300 – që nga fillimi i pandemisë. Rastet në rritje vijnë ndërsa disa shtete vazhdojnë me përpjekjet e rihapjes. Texas raportoi më shumë se 2.500 raste të reja të mërkurën, por sot do të kalojë në fazën e tretë, duke lejuar që restorantet të operojnë me kapacitet 75%.
