Evropa ka pasur racionin e saj të historive të këtij lloji, por mbase përveç Britanisë së Madhe, vende te tjera janë më tolerante ndajë paqëndrueshmërisë së liderëve të tyre. Në listën e mëposhtme, përfshihen politikanë të cilët njihen si Don Zhuanë të thekur.
Xhon Kenedi
Ish-president i SHBA-së
Xhon Kenedi është mbase plejboji më i famshëm në politikë. Ai ishte i përfshirë gjithnjë në ndonjë marrëdhënie jashtëmartesore, pavarësisht faktit se kishte një bashkëshorte të bukur. Të dashurat e tij përfshijnë mjaft femra të famshme të kohës, kur ai ka jetuar. Në kohën, kur Kenedi ishte president në SHBA marrëdhëniet jashtëmartesore të presidentit kalonin pa u kthyer në fenomen kombëtar nga njerëzit.
Femrat me të cilat ka pasur lidhje: Angie Dickinson, Jayne Mansfield, Marilyn Monroe, Zsa Zsa Gabor, etj.
Silvio Berluskoni
Ish-kryeministër i Italisë
Ish-kryeministri miliarder i Italisë është futur jo pak herë në telashe, për shkak të femrave. Ai është aq i dashur me femrat sa kjo e bën shpeshherë të jetë protagonist i skandaleve. Në një rast, kur ai i tha ministres së kabinetit të tij se do ishte martuar me të nëse do ishte beqar, ai u detyrua më pas t’i kërkonte falje publike bashkëshortes së tij, me të cilën ka sërish probleme për shkak të bëmave të tij. Ndwrsa historia e tij me Rubin wshtw bwrw e famshme dhe i hapi mjaft telashe.
Femrat me të cilat ka pasur lidhje: Nuk janë pak, përflitet me dhjetëra
Pierre Trudeau
Ish-kryeministër i Kanadasë
Kryeministri karizmatik dhe pompoz i Kanadasë ishte njëkohësisht reformator i vendit, si dhe një plejboj serial. Ai preferonte të kishte lidhje veçanërisht me personazhet e famshme. Kur ishte në të 50-at e tij ai u martua me një vajzë 22-vjeçare dhe pas divorcit pati dhe një vajzë të jashtëligjshme. Pas vdekjes së tij në vitin 2000, një biografi e përshkruante Trudeau-n e ri si të parezistueshëm për femrat.
Femrat me të cilat ka pasur lidhje: Barbara Streisand, Kim Cattrall, Margot Kidder.
Nikolas Sarkozi
Ish-president i Francës
Ashtu siç Putin ka femrat e tij të bukura në parlament, edhe Sarkozi nuk mbetej prapa në këtë drejtim. Fakti se kabineti i tij ishte i mbushur me femra elegante ishte një fakt domethënës i imazhit të tij. Ai është martuar tre herë, dy prej tyre janë ish-modele dhe në një farë mënyre gjithnjë ia ka dalë të ketë marrëdhënie jashtëmartesore, pavarësisht bashkëshorteve të bukura.
Femrat me të cilat ka pasur lidhje: Cecilia Ciganer-Albeniz, Anne Fulda, Carla Bruni.
Fransua Mitterrand
Ish-president i Francës
Fransua Miterrand është shquar si një burrë që i pëlqente të joshte gratë. Përveç kësaj, presidenti i Francës, i cili tashmë nuk jeton më, gjatë presidencës së tij kishte një jetë të dyfishtë. Përveç bashkëshortes, ai kishte dhe një të dashur, nga e cila pati një vajzë të paligjshme. Sidoqoftë, edhe pse një pjesë e shtresës së lartë të Parisit e dinin një gjë të tillë, askush s’e mori mundimin t’ia bënte të ditur publikut këtë fakt.
Femrat me të cilat ka pasur lidhje: Ai ka pasur shumë histori, por më publikja është e dashura e tij Anne Pingeot.
Vaclav Havel
Ish-president i Çekisë
Dramaturgu dhe presidenti i Çekisë, Vaclav Havel ka qenë gjithashtu një plejboj famëkeq. Biografi i tij, John Keane shkruan se Havel i tregonte gjithnjë gruas së tij, Olga, për marrëdhëniet e tij jashtëmartesore. Havel, tha njëherë për një revistë çeke: “Unë jam një burrë normal, i cili nuk i shmanget botës femërore”.
Femrat me të cilat ka pasur lidhje: Anna Kohoutova, Dagmar Veskrnova, Jitka Vodnanska.
Bill Klinton
Ish-president i SHBA-ve
Mund të thuhet pa frikë se ish-presidenti amerikan, Bill Klinton ka marrë aq shumë akuza për ngacmim seksual gjatë kohës që ishte në detyrë, saqë mund të ishte dhe në krye të listës. Por, vetëm një nga marrëdhëniet e tij u konfirmua publikisht. Skandali “Levinski” e vuri ish-presidentin amerikan Bill Klinton në qendër të një skandali seksual me praktikanten Monika Levinski.
Femrat me të cilat ka pasur lidhje: Elizabeth Ward Gracen, Jennifer Flow
Fransua Hollond
President i Francës
Rasti më i fundit është ai i presidentit francez Fransua Holond. Javën e kaluar, revista “Closer” shkruajti për lidhjen e presidentit me aktoren 41-vjeçare, Zhuli Gaje. Ai nuk hodhi poshtë çfarë ishte shkruar por protestoi kundër asaj që e quajti “pushtimi i privatësisë”. Partnerja e tij prej vitit 2007, Valerie Treueiler pas lajmit pwrfundoi në spital. Fransua Holond nuk është martuar asnjëherë. Partnerja e mëparshme e tij ishte politikania socialiste Segolen Ruajal, dhe më pas gazetarja Valerie Treueiler.
Javanews.al
