Pothuajse tre milion amerikanë paraqitën aplikime për statusin “i papunë” gjatë javës së kaluar, duke e çuar totalin e të papunëve në më shumë se 36 milion që nga shpërthimi i koronavirusit në SHBA.
Shifrat e fundit vijnë një ditë pasi kryetari i Rezervës Federale, Jerome Poëell, paralajmëroi se “qëllimi dhe shpejtësia e kësaj rënieje nuk kanë një precedent modern” dhe se një rënie e gjatë mund të “lërë pas dëme të qëndrueshme” për ekonominë.
Ai shprehu gjithashtu mbështetjen e tij për “mbështetje shtesë fiskale”, duke thënë se ndërsa do të ishte e shtrenjtë, do të ishte ” strategji e vlefshme nëse ndihmon për të shmangur dëmtimin ekonomik afatgjatë”.
Kriza ka bërë që njerëzit në sektorë të ndryshëm të humbasin punën e tyre – përfshirë Nickolas Ray, një këshilltar 30-vjeçar për IT në Atlanta, Xhorxhia.
“U pushova nga puna në mënyrë shumë të papritur,” tha ai. “Në kompaninë time mendonim se ishim të gjithë të sigurt.
“Unë jam duke kërkuar për punë punë tani – të gjithë janë shumë të ngazëllyer për të folur, por për fat të keq askush nuk e di se çfarë do të ndodhë, kështu që nuk ka asnjë hapje vendesh për punë.”
