“Përshëndetje, jam Xhon Doe. A ju interesojnë informacione. Do të doja t’jua jepja”. Gjithçka nisi me këtë mesazh, të dërguar natën, nga një adresë e panjohur. Në botën anglo-saksone, Xhon Doe ka të njëjtën domethënie si, në italisht, për shembull, Mario Rossi: është personi i çfarëdoshëm, apo burimi anonim, që shfaqet në aktet e proçeseve më delikate. Por, pikërisht në këtë mënyrë ka lindur Panama Papers, operacioni gazetaresk më i rëndësishëm i mijëvjeçarit të ri, që shënon kufirin e fundit të lirisë së shtypit. Ai informator misterioz ka furnizuar me një sasi kolosale informacionesh dhe dokumentash mbi figura qeveritare, monarkë, politikanë, sipërmarrës, kriminelë, me llogari dhe kompani në Panama. Fonde prej miliarda Eurosh, në duart e …