Lumi Seine ka dalë nga shtrati për shkak të reshjeve të vazhdueshme në Francë gjatë këtyre ditëve. AFP shkruan situata e krijuar sot, e shtunë, në Paris nuk mbahet mend prej 30 vitesh. Parisienët po përpiqen të mbrojnë muzetë, thesaret e tyre. Niveli ujit shkoi në 6 metra lartësi, ndërsa lartësia më e madhe e shënuar ndonjëherë është në vitin 1910 deri në 8 metra, shkruan AFP-ja. Tani situata është drejt normalizimit në Paris. Por keto foto që gjeni bashkëngjitur lajmit duhet parë pasi ndodh rrallë të shihni Parisin si Venecia. Jo më kot qindra turist kanë fiksuar në aparate këto momente. Shirat e javës që po mbyllim nuk preken vetëm Francën, por edhe Gjermaninë e Rumuaninë, apo Belgjikën. Dëmet më të mëdha ishin në Gjermani ku vdiqën 14 persona, ndërsa 4 viktima u shënuan në Francë.
