PARIS. Emri i koduar është Mili, dmth Mouvement Inter Luttes indépendant. I dallon që larg, djem me maska skish, kokore, veshje të errëta, që thërrasin me slogane kundër policisë: “Tout le monde déteste la police.” Jo e gjithë Franca e urren policinë, por “blloku i zi” tani mund ta thotë pa u fshehur. mund të marshojë nëpër mitingje, ishte në radhët e para gjatë manifestimit të radhës, që përfundoi me molotovë të hedhur në drejtim të policisë. Një polic mori flakë dhe u evakuua me helikopter deri në spital. Pamjet bënë xhiron e botës, skena e lufte në qendër të Parisit, në Place de la Republique ku Franca kishte organizuar një “marshim republikan”, demonstrata më e madhe që nga lufta, me tre milionë njerëz, që sfidonin terrorin dhe duartrokisnin njerëzit në uniformë.
Ishte 11 janari 2015, pas sulmeve në Charlie Hebdo dhe Hyper Cacher. Duket si “një shekull” më parë. Ndërkohë ka pasur sulme të reja, gjendja e jashtëzakonshme është bërë rutinë duke shkaktuar, sipas disa shoqatave për të drejtat civile, abuzime dhe një klimë …
