Votimi i së dielës ngriti edhe shenja paralajmëruese. Pjesëmarrja ishte më e ulta për çdo garë legjislative, rreth 43 për qind. Një numër shokues prej 70 për qind të votuesve nuk votoi në zonën ekonomikisht të margjinalizuar dhe me shumë emigrantë të Seine-Saint-Denis. Asnjë kandidat nuk mbizotëroi aty nga partia e z. Macron, La République en Marche (Republika në lëvizje).
Por, gjashtë kandidatë nga partia e majtë “France Unbowed” e Jean-Luc Mélenchon bënë diçka të tillë. Kjo duhet t’i japë z. Macron një pauzë serioze si edhe dhimbje koke në Parlament. Me rreth 17 vende në mbarë vendin – përfshirë një për vetë Z. Mélenchon në Marsejë – partia e zotit Mélenchon kaloi pragun prej 15 vendesh të kërkuara për të formuar një grup zyrtar parlamentar, duke i dhënë partisë më shumë kohë dhe qasje në role të larta në kuvend.
Marine Le Pen e Frontit Kombëtar të ekstremit të djathtë, e cila humbi betejën e saj presidenciale kundër z. Macron muajin e kaluar, fitoi për herë të parë vendin e saj parlamentar, nga një zonë e cila zgjodhi edhe katër kandidatë të tjerë të Frontit Kombëtar. Gjithsesi, partia fitoi vetëm tetë vende.
Macron pa dyshim përballet me turbullira. “Abstenimi nuk është kurrë një lajm i mirë për demokracinë,” pohoi kryeministri Édouard Philippe. “Qeveria e interpreton atë si një detyrim të fortë për të pasur sukses”.
Ndarja politike në Francë, si në vende të tjera, është gjithnjë e më shumë midis fituesve dhe humbësve të shoqërisë. Qeveria e z. Macron do të ketë sukses vetëm nëse jep aq shumë për ata që nuk kanë votuar për të apo për partinë e tij, aq sa për ata që e kanë votuar./The New York Tiimes – Lexo.al/
