Dukuria s’do të ndalet. Për shkak se i vënë në peshore, ka sjellë më shumë përmirësim sesa përkeqësim në standardet e jetesës së popullsisë botërore. Megjithatë duhet të rishikohet dhe korrigjohet. Ja se si

Javët e fundit, duke filluar nga zyrtarizimi i referendumit britanik në favor të daljes së Mbretërisë së Bashkuar nga Bashkimi Evropian, jemi ‘përmbytur’ nga analiza të shumta mbi shkaqet sociale dhe ekonomike që çuan në këtë rezultat. Ndonjëherë, fitorja e Brexit është cilësuar si fitorja e të vjetërve kundër të rinjve, zonave më pak të urbanizuara ndaj metropoleve, komuniteteve më të mbyllura dhe homogjene në krahasim me kontekstet shoqërore më të dallueshme.

Në një moment historik, kur shumë votues janë duke shkuar për të shprehur preferencat e tyre mbi udhëheqësit që do të përcaktojnë axhendën politike në pjesë të rëndësishme të globit për vitet e ardhshme, unë besoj se është themelore të reflektohet mbi mesazhin që dha referendumi britanik për pjesën tjetër të qytetarëve të demokracive perëndimore.

Leksioni i parë është i menjëhershëm: kategoritë tradicionale politike kanë humbur gati të gjithë kapacitetin e tyre për të interpretuar fenomenet sociale dhe ekonomike, të cilat po i shohim kohët e fundit. I parë nën profilin e polarizimit …