Bota është shumë pranë një Lufte të Tretë Botërore, kanë paralajmëruar ekspertët. Rusia dhe Kina, dy shtete që vitet e fundit kanë shpenzuar miliarda për ushtrinë e tyre, shumë shpejt do të rivalizojnë Shtetet e Bashkuara të Amerikës, sa i përket fuqisë dhe prestigjit ushtarak.
Të tre këta shtete duan të mbeten superfuqi botërore dhe janë duke u përgatitur për luftë, raporton tabloidi britanik “The Sun”.
Këta shtete përbëjnë kërcënim për njëri-tjetrin në disa probleme globale, duke krijuar një ekuilibër politik delikat, i cili mund të shkaktojë kolaps.
Një numër ekspertësh kanë identifikuar disa arsye të cilat mund të shpien deri në fillimin e Luftës së Tretë Botërore.
Sulmi i NATO-s dhe Rusisë mbi Sirinë, agresioni i Vladimir Putinit ndaj Europës Lindore, dhe lëvizjet e Kinës në Detin Jugor janë disa prej arsyeve për fillimin e Luftës. Ekspertët gjithashtu kanë shprehur shqetësim edhe për paqëndrueshmërinë e Pakistanit si fuqi bërthamore.
