Mashtrimi është i gabuar, e dimë, megjithatë vazhdojmë ta themi për të patur avantazhe, për t’u ndjerë pjesë e një grupi dhe për të qenë fitues. Problemi është se ky veprim mund të kthehet në ves dhe është e vështirë për t’u braktisur. Përgjigjuni ndershmërisht: Ju kanë thirrur për t’ju përgjigjur një testi dhe për çdo përgjigje të saktë do të merrni 10 euro. Pasi i keni shkruajtur përgjigjet do t’ju kërkohet ta grisni fletën dhe duhet t’i thoni kontrolluesit të testit, sa përgjigje të sakta keni dhënë. Do të shpiknit një numër për të marrë sa më shumë euro, apo do të pranonit rezultatin e vërtetë, që do të thoshte më pak para në xhepin tuaj? Po nëse në vend të parave do t’ju jepeshin çokollata? Do të gënjenit? Nëse do ta merrnit vesh se pjesmarrësit para jush gënjyen, ju a do të ishit i ndershëm? Shkencërisht gjithçka varet nga faktori i mashtrimit individual. E shpjegon mjaft mirë këtë koncept Dan Ariely, profesor psikologjie dhe ekonomie në Universitetin Duke, USA.
Faktori i mashtrimit individual
Praktikisht, e dimë që mashtrimi është i gabuar dhe përsëri vazhdojmë ta bëjmë. Përse? Sipas Dan Ariely …
