Task Forca e Koronavirus e Shtëpisë së Bardhë paralajmëroi guvernatorët këtë javë se protestat masive të shkaktuara nga vdekja e George Floyd mund të shkaktojnë një rritje të rasteve me Covid-19. “Ne e respektojmë të drejtën e secilit amerikan që të ushtrojë të drejtat e tyre të Amendamentit të Parë, por duam t’i inkurajojmë ata ta bëjnë këtë duke qëndruar të sigurt,” tha nënkryetari Mike Pence në një tele – konferencë me drejtuesit e shtetit, sipas një regjistrimi audio të marrë nga CBS News . Ekspertja e Task Force Dr Deborah Birx vuri në dukje gjatë thirrjes që shumica e qyteteve të mëdha po shohin ulje të rasteve të reja Covid-19 javët e fundit, por që nuk ishte e qartë nëse maskat e përdorura nga disa protestues ishin efektive për të parandaluar ndonjë përhapje shtesë . Grupet e rrezikut po ashtu iu bashkuan demonstratave paqësore. Ajo gjithashtu tha se rreth 70 vende testimesh urbane u dëmtuan në disa prej protestave më të dhunshme.
SH.B.A. nuk është i vetmi komb i shqetësuar nga efekti që këto protesta mund të kenë në pandemi. Siç kemi raportuar më herët, një protestues i Black Lives Matter në Australi gjithashtu është sëmurë – një ditë pasi ai mori pjesë në një tubim me mijëra njerëz të tjerë në Melburn. Burri kishte veshur një maskë, por ishte ende potencialisht infektiv, thanë zyrtarët shëndetësorë atje.
