Italia regjistroi sot 99 vdekje të reja të koronavirusit, shkalla më e ulët ditore që nga fillimi i marsit dhe 451 infeksione të reja, me mbi 200 që nga e diela.
Kishte gjithashtu një rënie të konsiderueshme të infeksioneve të reja në Lombardi, rajoni i prekur më së shumti nga virusi, nga 326 të dielën në 175 të hënën.
Bare, restorante, dyqane, parukieritë, muze, biblioteka dhe kisha u rihapën të hënën ndërsa Italia vazhdon lëvizjen e saj graduale nga mbyllja.
Sidoqoftë, kryeministri Giuseppe Conte paralajmëroi se qytetarët uhet të respektojnë ende rregullat e distancimit shoqëror dhe të përdorin maska për fytyrën. “Sot vendi po ecën përsëri, por është ende një rrugë e gjatë,” shkroi ai në një letër për gazetën, Leggo.
Qeveria tani ka një sfidë të madhe ringjalljen e ekonomisë, e cila këtë vit pritet të hyjë në recesionin më të thellë që nga Lufta e Dytë Botërore. Conte shtoi se qeveria e tij “nuk është e shurdhër për shumë vështirësi me të cilat përballen qytetarët” dhe se “synon t’i përballojë ata një nga një”.
Italia në total ka 225.886 raste të konfirmuara të Covid-19 deri më sot, duke përfshirë 32.007 vdekje dhe 127 326 të mbijetuar./bota.al/
