Në vitet Shtatëdhjetë, shpërthimi i të rinjve të talentuar si Sepp Maier, Franz Beckenbauer dhe Gerd Müller kontribuoi për ta bërë Bayern dominuesin absolut në arenën kombëtare. Pastaj me futjet e Uli Hoeness dhe Paul Breitner, kanë ardhur tri Kupa Kampionesh radhazi, nga 1974 deri më 1976

Në historinë mbi njëqindvjeçare të Bayern Munich (klub i themeluar në vitin 1900) spikat në mënyrë të veçantë sezoni i jashtëzakonshëm i përjetuar në fillimin e viteve Shtatëdhjetë kur një kombinim i papërsëritshëm kampionësh dhe rrulash të rinj do t’i japë jetë një cikli suksesesh që i pret akoma trashëgimtarët e denjë të tij. Por figura qendrore nga e cila është e nevojshme që të niset është ajo e një njeriu të quajtur Willy Neudecker, biznesmen ndërtimi dhe President për 17 vjet të mira i klubit bavarez, nga 28 prilli i vitit 1962 në 24 marsin e vitit 1979. Një patriark nganjëherë autokrat, që do të bjerë në fundin e ciklit kur do të dëshirojë të imponojë një trajner (Max Merkel) që nuk u pëlqen senatorëve Sepp Maier e Paul Breitner. Ama do të ngarkohet me një seri fitoresh të paarritshme…