Suedia është unike në mesin e vendeve evropiane pasi ka vendosur të mos bllokojë vendin, sikundër ndodhi në Itali, Spanjë dhe Francë.
Qeveria e Suedisë ka ndaluar mbledhjet e më shumë se 50 personave, ka ndaluar vizitat në shtëpitë e të moshuarëve dhe ka këshilluar suedezët që të punojnë nga shtëpia dhe të shmangin baret dhe restorantet. Por në rrugët e Malmo mund të shihje shumë njerëz, këtë të shtunë.
Kjo strategji ka sjellë dy kahe qëndrimesh. Atëherë cili është argumenti pro dhe kundër?
PRO…
Qeveria e Suedisë vazhdon të ndjekë udhëzimet e agjencisë së shëndetit publik të vendit, të përcjella nga epidemiologu shtetëror Anders Tegnell.
Tegnell ka thënë që mundësitë e mbylljes zvogëlohen dita ditës dhe agjensia ka theksuar efektivitetin e kufizimeve aktuale.
“Një avantazh [i strategjisë suedeze] është se kufizimet më të vullnetshme mund të mbështeten për një kohë më të gjatë,” tha ndihmësi epidemiologut shtetëror Anders Wallensten për Euronews.
“Nëse e mbyllni plotësisht shoqërinë, ka më shumë stres në ekonomi. Kjo ndoshta është më e pranueshme nga njerëzit në përgjithësi.”
Qëllimi kryesor i strategjisë është të mbrojë grupet më të rrezikuara në shoqëri të tilla si shkollat, tha drejtori i agjencisë së shëndetit publik të Suedisë, Karin Tegmark Wisell, në një intervistë në radio.
“Strategjia Suedeze nuk ka të bëjë me arritjen e imunitetit të masave, edhe pse kjo do të ndihmonte zhvillimin në Suedi,” shtoi ajo.
KUNDER …
Qëndrimi i qeverisë ka dhe kritikët e tij. Njëzet e dy profesorë kanë dhënë alarmin për numrin e lartë të vdekjeve nga COVID-19.
Profesorët u kërkojnë autoriteteve të punojnë më shumë në parandalimin e transmetimeve pa simptoma të COVID-19 përmes veshjeve mbrojtëse, derisa metodat e trajtimit të jenë zhvilluar plotësisht.
Një prej tyre, Anders Vahlne profesor në virologjinë klinike, i cili e konsideron “të pabesueshme” që autoritetet shëndetësore suedeze nuk po u tregojnë qytetarëve se sa ngjitëse është COVID-19, shkruan Euronews.
“Kjo është një pandemi, që unë mendoj se përhapet kryesisht përmes individëve jo simptomatikë,” tha ai.
“Edhe nëse nuk teshtitni ose kolliteni, ju akoma merrni frymë. Të gjitha të dhënat tregojnë se ky virus përhapet përmes thithjes së grimcave të ajrit, të cilat qëndrojnë infektive në ajër për më shumë se 16 orë.”
Për këtë arsye, masa të tilla si maska për fytyrën dhe dorezat duhet të jenë të detyrueshme për stafin që punon në shtëpi të moshuarish, shtoi ai.
Anders tha se për shkak se suedezët nuk inkurajohen të vetë-karantinohen, shansi që ata pa vetëdije ta transferojnë COVID-19 te anëtarët e tjerë është i lartë.
Kjo është veçanërisht e rrezikshme duke pasur parasysh që të infektuarit që janë shpërndarësit më të mëdhenj janë ata para kur nuk kanë shfaqur ende simptomat, pretendon ai.
Ai ka frikë se strategjia në Suedi do të çojë në vdekje dhe lëndime kronike në mushkëri.
“Ne kemi statistika të mira të trajtimit në njësitë tona të kujdesit intensiv. Sidoqoftë, kjo është ndoshta sepse ne i pranojmë vetëm ata që kanë një shans më të madh për të mbijetuar, “tha ai.
“Mosha mesatare e atyre që kanë vdekur është 20 vjet më e lartë se mosha mesatare e atyre që trajtohen në ICU”, tha ai./bota.al
