Ushtria ruse ka ndërmarrë manovra në shkallë të gjerë, duke vendosur bombarduese strategjike dhe sisteme mbrojtëse antiajrore, në një demonstrim të papritur dhe masiv force.
Si një shenjë e vijimit të tensioneve në Ukrainë, rreth 12 000 ushtarë dhe 250 avionë dhe helikopter luftarak rus marrin pjesë në këto manovra ushtarake, njoftoi ministria ruse e Mbrojtjes në një komunikatë për shtyp.
Ministria e ka përshkruar praktikën katër ditore të urdhëruar nga presidenti Vladimir Putin, si një “inspektim masiv surprizë” për të kontrolluar gatishmërinë luftarake.
Ky demonstrim vjen pasi njëri nga ndihmësit më të afërt të Putinit, zëvendës kryeministri Dimitri Rogozin, lëshoi një paralajmërim të frikshëm ndaj Perëndimit.
“Ky është territori ynë dhe ne do të sigurojmë sigurinë e saj. Dhe ne do të bëjmë para aty… Unë kam bërë gjithmonë shaka në lidhje me faktin se ata nuk do të na japin viza. Ata do të na vënë në një listë sanksionesh, por tanket nuk kanë nevojë për viza”, u shpreh Rogozin./j.h/TemA
