Mynih – Elitat më të mëdha dhe me të mira të sigurisë Atlantike, dhe disa prej kundërshtarëve të tyre, përballen me një seri jashtëzakonisht komplekse sfidash, teksa mblidhen për takimin e tyre vjetor në Mynih këtë javë. Po në Konferencën Vjetore të Sigurisë në shkurt të vitit 2007, ishte presidenti rus Vladimir Putin, ai që për herë të parë sfidoi Perëndimin, edhe pse gjuha e tij ishte relativisht e butë në krahasim me standardet e sotme.

Prej atëhere gjithçka ka marrë rokullimën: lufta ndërmjet Rusisë dhe Gjeorgjisë në gusht të vitit 2008; agresioni rus kundër Ukrainës në vitet 2014-2015; dhe së fundi ndërhyrja ruse për të goditur ato pak përpjekje të politikës perëndimore në Siri. Pjesa më e madhe e fokusit në Konferencën e Sigurisë në Mynih, ka të ngjarë të jetë pikërisht kriza akute që ka shkaktuar ditët e fundit ofensiva e vazhdueshme Asad-Putin rreth Alepos.

Por ekziston ndërkohë edhe një nevojë e madhe për një qasje afatgjatë për trajtimin e sfidës së sigurisë që paraqet për Evropën, një Rusi revizioniste, nacionaliste dhe gjithnjë e më shumë militariste. Tre hapa janë thelbësore për këtë qëllim: