Presidenti amerikan Donald Trump do të vizitojë klubin e tij të golfit në Bedminster, New Jersey, këtë fundjavë, por Shtëpia e Bardhë thotë se ai nuk do të ndjekë një këshillë rajonale udhëtimesh që kërkon që vizitorët nga pikat e nxehta të vetë-karantinohen për 14 ditë. Të martën Trump vizitoi Arizonën – një shtet që po përjetonte një rritje të rasteve Covid-19 dhe që është në listën e nevojshme për karantinë në New Jersey.
Kërkesa për karantinë u njoftua nga qeveritarët e New Jersey, New York dhe Connecticut të mërkurën. “Presidenti i Shteteve të Bashkuara nuk është civil,” tha zëdhënësi Judd Deere, duke shtuar se kushdo që është në afërsi të presidentit do të teëtohet. Deere tha se Shtëpia e Bardhë kishte siguruar që Trump të mos ishte në kontakt me individë simptomatikë ose të paprovuar gjatë udhëtimit të tij në Arizona. “Kushdo që udhëton në mbështetje të presidentit këtë fundjavë do të monitorohet nga afër për simptoma dhe do të testohet për Covid dhe për këtë arsye do të përbëjë pak rrezik për popullsinë lokale,” tha ai.
