Sipas burimeve më të sakta historike, Shekspiri u pagëzua më 26 prill, 1564. Sipas traditës së kohës, foshnjat pagëzoheshin kur ishin tri ditësh, që do të thotë se Shekspiri lindi ndoshta më 23 prill. Megjithatë, duke qenë se Shekspiri lindi atëherë kur përdorej kalendari i vjetër i Julianit, data 23 prill mund t’i përkojë 3 Majit sipas Kalendarit Gregorian. Me fjalë të tjera, Shekspiri ishte i shenjës së Demit.
Për këtë dhe fakte të tjera për shkrimtarin e madh, shihni videon më poshtë:
Ai vinte nga një familje e madhe dhe kishte 7 vëllezër e motra. Megjithatë, më i njohuri ndër të afërmit e tij ishte një kushëri i dytë nga e ëma, me emrin Uilliam Arden. Ai u bë i famshëm sepse u arrestua për komplot kundër Mbretëreshës Elisabeta I, u burgos në Kullën e Londrës dhe më pas u ekzekutua.
Shumëkush nuk e di që përveçse ka shkruar disa prej dramave më legjendare në histori, Shekspiri ishte dhe aktor. Ai ka luajtur në shumë prej tyre.
Për shkak të shpërthimit të murtajës në Europë, Shekspiri nisi të shkruajë poezi, duke qenë se teatrot në Londër u mbyllën nga 1592, deri në 1594. Nuk kishte kërkesë për drama në këto kohë, kështu që ai përfundoi sonetat e tij në vitin 1593.
Me sa duket, vetëvrasja nuk ka qenë tabu për shkrimtarin e famshëm, duke qenë se ndodh plot 13 herë në veprat e tij. Më e famshja, sigurisht që është ajo e Romeos dhe Zhuljetës.
Teoritë konspirative thonë se Shekspiri nuk ka qenë autori i vërtetë i veprave të tij. Megjithatë, të gjithë studiuesit thonë se gjithë dokumentat dhe dëshmitë e kohës nuk të shpien tek ndonjë kandidat tjetër, si autor i këtyre veprave.
Sipas Oxford English Dictionary, Shekspiri ka futur pothuaj 3 mijë fjalë në gjuhën angleze. Vlerësime të tjerë flasin për një shtesë në fjalor nga 17 mijë, në 29 mijë fjalë. E pabesueshme!
Shekspiri ishte një fans i madh i Homerit, babai i poemave epike, dhe admironte gjithashtu veprën e Chaucerit. Madje, ai ka përdorur shumë prej poemave të Chaucerit si burime për veprat e tij.
Gjatë jetës së tij si shkrimtar, Shekspiri shkroi të paktën 37 vepra, 154 soneta dhe një numër poemash të tjera. Shumë historianë mendojnë se ka disa “vepra të humbura” që Shekspiri i shkroi, apo për të cilat bashkëpunoi me të tjerë shkrimtarë.
Edhe pse katolicizmi ishte rreptësisht i ndaluar në kohën e Shekspirit, ky i fundit ishte një katolik i devotshëm.
Shekspiri vdiq në moshën 52 vjeç në vitin 1616. Në gurin e varrit që iu vendos në fillim, ishte i skalitur ai që mbante një çantë me drithë, por në Stratford e zëvendësuan çantën me një pendë në vitin 1747./bota.al
