Kryetari i Bashkisë së Selanikut, është sulmuar fiziksht gjatë një ceremonie në kujtim të masakrës së grekëve në Detin e Zi në Turqi gjatë dhe pas Luftës së Parë Botërore
Yiannis Boutaris, 75 vjeç, është nxjerrë me eskortë nga një ceremoni që u zhvillua dje e cila degjeneroi në dhunë.
Ndërsa kryebashkiaku Butaris ka mbërritur për të ndjekur pjesë nga ceremonia, disa persona të panjohur e kanë dhunuar duke e qëlluar me mjete të forta, me grushte e shkelma, duke e shtyrë dhe duke hedhur drejt tij sharje.
“Ata më godisnin kudo, me qëllonin me grushte, me shkelma”, theksoi ai për agjencinë kombëtare të lajmeve ANA.
Imazhet tregojnë kryebashkiakun e Selanikut, Yiannis Boutaris të rrethuar nga pjesëmarrësit në ceremoni.
Më pas, kur ai do të largohej ata kanë filluar të hedhin objekte dhe ta sulmojnë. (TemA)
