Përtej hendekut gjinor (ekonomik, social, të punës) që për fat të keq ende është gjerësisht i pranishëm në shoqëritë e shumë vendeve të botës, ne gratë jemi me fat që kemi shumë cilësi që na bëjnë të veçanta dhe të afta për të bërë gjithçka, për të dashur dhe për të ecur përpara pavarësisht gjithçkaje dhe të gjithëve. Ja arsyet pse ia vlen të jesh femër.
- Gratë prodhojnë jetë
Nuk ka asgjë më të bukur se të lindësh një krijesë të pafuqishme, një fëmijë, për të krijuar jetë. Ne gratë e dallojmë veten nga burrat pikërisht në këtë cilësi që Nëna Natyrë na ka dhënë.
Nëse gruaja, nga ana tjetër, nuk dëshiron të ketë fëmijë, ajo ka të gjitha mjetet në dispozicion për t’i shmangur ato dhe për të afirmuar veten në individualitetin e saj. Por mbetet fakti që gratë, pavarësisht nëse janë nëna ose jo, kanë një instinkt të lindur të mbrojtjes së të tjerëve (të rinj dhe të moshuar), gjë që u lejon atyre të hapin zemrat më kollaj.
- Gratë dinë të shprehin veten më mirë
Disa studime kanë treguar se si gratë janë në gjendje të komunikojnë më efektivisht se meshkujt dhe mbi të gjitha të shprehin ndjenjat dhe jetën e tyre të brendshme
Ne gratë përdorim pesë tone vokale, kështu që fjalët tona, si dhe kuptimet e komunikimit, shkojnë më me ëmbëlsi në veshët e të tjerëve. Për më tepër, ne gjithashtu dimë se si të dëgjojmë shumë më tepër se burrat, për shkak të predispozicionit natyror të trurit femëror.
- Gratë mund të lejojnë vetes që të qajnë
Po, kur jemi të trishtuara, nëse ndihemi të vetmuara ose po përjetojmë një moment dëshpërimi, ne mund ose më mirë, duhet të qajmë. Nuk ka asnjë arsye që të turpëroheni ose të mendoni se ju dukeni shumë të brishta, sepse njerëzit rreth nesh do të na kuptojnë pa shumë shpjegime. Një grua që qan menjëherë lidhet me të tjerët, të cilët, natyrisht, menjëherë vihen në dispozicion për të ndihmuar.
- Gratë janë të forta dhe të vendosura
Ne gratë mund të bëjmë gjithçka, madje të hyjmë në universin mashkullor, duke treguar atë pak virilitet – që çdo grua zotëron – pa u nënshtruar gjykimit.
Gratë janë në ushtri, ato punojnë në forcat e Rendit, në qeveri, me shumë lehtësi dhe admirim nga të tjerët. Por gratë gjithashtu kryejnë punë familjare dhe gjithashtu u jepen më shumë roleve të margjinalizuara (shpesh për të rritur fëmijët e tyre) pa e humbur kurrë, madje edhe në këtë rast, atë grushtin e fortë që u lejon atyre të shmangin vështirësitë dhe pakënaqësinë. / MeB
