Shendeti

5 zakonet që të zgjasin jetën me më shumë se një dekadë

Njerëzit që iu nënshtrohen këtyre pesë zakoneve në moshë madhore, mund ta shtojnë jetëgjatësinë e tyre më shumë se një dekadë. Këto përfundime bazohen në një studim që është bërë mbi mënyrën si ndikohet jetëgjatësia në kushte të ndyshme jetese.

Studiuesti përdorën pyetësorët për stilin e jetesës dhe të dhënat mjekësore të rreth 123,000 vullnetarëve, për të  kuptuar se sa më shumë do të jetonte një njeri nëse do të ndiqte një dietë të shëndetshme, të kontrollonte peshën, të bënte lëvizje fizike rregullisht, të mos e tepronte me pijen dhe të mos ishte konsumues i duhanit.

Ajo që nuk ishte parashikur para se të ndërmerrej ekspreimenti, ishte efekti i  menjëhershëm dhe diferenca drastike që u krijua midis personave që e adoptuan kurën me 5 këshillat, me të tjerët që nuk u përpoqën fare.

Pesë zakonet e shëndetshme janë këto:

1.T’i thoni jo duhanit

2.Të merreni me aktivitet fizik të paktën 30 minuta çdo ditë

3.Të mos konsumohet më shumë se një gotë vere 150 ml për gratë ose dy gota për burrat

4.Të kesh një dietë të pasur me fruta, perime

5.Të mos mbash më shumë se 10 kile mbi peshën përkatëse në porporcion me gjatësinë.

Po të marim parasysh se këto 5 zakone nuk po i lexoni këtu për herë të parë, pyetja qëndron në faktin se përse jemi kaq të këqinj në përftimin e tyre në përditshmërinë tonë. Problemi qëndron te njerëz që akoma luftojnë me varësinë ndaj duhanit, te të  tjerë që konsumojnë ushqime të pashëndetshme me apo ma qëllim dhe nga ana tjetër,  jeta sedentare nuk e ndihmon aspak shëndetin fizik./Bota.al

Leave a Reply

Your email address will not be published. Required fields are marked *

Back to top button
Close
Close